Мажбурий ижро бюроси Деҳқонобод туман бўлими ходимлари томонидан туманданги касб-ҳунар коллежларидан бирида табиий газ сарфи бўйича мониторинг ўтказилганда, коллежда рухсатсиз ноқонуний равишда газдан фойдаланиб келиш ҳолати аниқланган. Бу ҳақда «Дарё»га Мажбурий ижро бюроси Қашқадарё вилояти бошқармаси Жамоатчилик билан алоқалар ва ҳуқуқий ахборот бўлими инспектори Гулноза Дилмуродова маълум қилмоқда.
Маълум бўлишича, коллеж раҳбарияти ҳеч қандай ҳужжатсиз, ўзбошимчалик билан газ ҳисоблагични ечиб олган ҳолда, маъмурий бинони иситиш учун табиий газдан фойдаланиб келаётган бўлган.
МИБ ходимлари томонидан ушбу ҳолат қайта ҳисоб-китоб қилинганда, коллеж бу ноқонуний ҳаракати билан давлат ва жамоат манфаатларига 11 миллион 520 минг сўм зарар етказгани аниқланган. Эндиликда коллеж маъмурияти етказилган зарарни қоплаш баробарида, ноқонуний ҳаракат учун Маъмурий жавобгарлик тўғрисидаги кодекснинг 101-моддаси (Электр, иссиқлик энергияси, газдан фойдаланиш қоидаларини бузиш)га асосан қўлланилган маъмурий жаримани ҳамда тармоққа қайта улаш учун тўловни амалга оширгандан сўнгина тармоққа қайта улаб берилади.
Изоҳ (0)