Англия премьер лигаси ўзнинг расмий сайтида мусобақада февраль ойининг энг яхши мураббийи совринига даъвогарлар номини эълон қилди.
Февраль ойида «Манчестер Юнайтед» Оле-Гуннар Сульшер билан меҳмонда кечган 3 та ўйинда ғалаба қозонди, «Лестер» (1:0), «Фулҳэм» (3:0) ва «Кристал Пэлас» (3:1). Яна битта ўйинда «қизил иблислар» ўз майдонида «Ливерпуль» билан дуранг ўйнади (0:0).
«Манчестер Сити» ўтган ойда 4 та ўйин ўтказиб, уларнинг барчасида ғалаба қозонди. Клуб Пеп Гвардиола бошқарувида ўз уйида «Арсенал» (3:1), «Челси» (6:0), «Вест Ҳэм» (1:0) устидан ғалаба қозонди ва сафарда «Эвертон»ни мағлуб этди.
«Арсенал» февраль ойида 4 та ўйиннинг фақатгина биттасида, меҳмонда «Манчестер Сити»га қарши кечган ўйинда мағлубиятга учради (1:3). Унаи Эмери жамоаси қолган 3 та ўйинда эса ғалаба қозонди. «Канонирлар» ўз майдонида «Саутҳэмптон» (2:0) ва «Борнмут» (5:1) қарши кечган ўйинда қўли баланд келган бўлса, лондонликлар меҳмонда «Ҳаддерсфилд»ни кичик ҳисобда ютди (2:1).
АПЛда февраль ойининг энг яхши мураббийи номига номзодлар:
- Оле-Гуннар Сульшер («Манчестер Юнайтед») — 4 та ўйин, 3 та ғалаба ва 1 та дуранг
- Хосеп Гвардиола («Манчестер Сити») — 4 та учрашув, 4 та ғалаба
- Унаи Эмери («Арсенал») — 4 та ўйин, 3 та ғалаба ва 1 та мағлубият.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)