Ўзбекистонда 2018 йилда натура шаклида шакар ишлаб чиқариш ўтган йил билан таққослаганда 85,5 фоизга камайиб, 68,8 минг тоннани ташкил этди, пул шаклида — 82,2 фоиз, 302,9 миллиард сўмгача камайган. Бу ҳақда dividends молиявий янгиликлар агентлиги хабар бермоқда, деб ёзади «Новости Узбекистана».
Бугунги кунда Ўзбекистонда шакар ишлаб чиқаришга ихтисослашган икки корхона — «Хоразм шакар» АЖ (суткасига 1 минг тонна шакар ишлаб чиқариш қувватига эга ва қиймати 83,25 миллион доллар) ва «Ангрен шакар» АЖ (шу каби қувватга эга, қиймати 108,5 миллион доллар) фаолият кўрсатмоқда.
2017 йилнинг иккинчи ярмидан ҳар иккала корхона ишлаб чиқариш ҳажмини сезиларли даражада камайтира бошлади, шакар ишлаб чиқариш 2018 йилга келиб тўлиқ тўхтатилди. Бунга 2017 йилнинг сентябрида миллий валюта девальвациясининг ўтказилиши сабаб бўлди, у импорт қилинувчи шакар хом ашёси қийматининг кескин ошишига олиб келди. Бунда ўзбек бозорининг шакарга бўлган эҳтиёжи 800 минг тонна атрофида бўлиб, йиллик ўсиш 3—5 фоизни ташкил этди.
2018 йилнинг ноябрь ойи бошида «Хоразм шакар» АЖ «Ўзсаноатқурилишбанк»дан айланма маблағларни тўлдириш ва шакар хом ашёсини харид қилиш учун 20 миллион доллар миқдорида кредит олган.
Изоҳ (0)