27 февралнинг эътиборга молик янгиликлари — «Дарё» дайжестида.
Ўзбекистон ОТМларида март ойидан тўлов-контракт нархлари ошади.
2018 йил 13 октябрдаги Президент Фармонига биноан, 1 ноябрдан энг кам ойлик иш ҳақи миқдорлари 10% га оширилган эди.
Ноябрда ошган иш ҳақлари март ойидан бошлаб ўқув йилининг 2-ярми учун тўланадиган контрактга таъсир қилади.
***
Ҳиндистон ва Покистон бир-бирларининг ҳарбий самолётларини уриб туширди.
Покистон Қуролли кучлари вакили Асиф Гафур Покистон Ҳарбий ҳаво кучлари Ҳиндистоннинг иккита самолётини уриб туширганини маълум қилди. Воқеа Покистоннинг Кашмир вилоятида содир бўлган.
Кейинроқ ҳинд ҳарбийлари Покистоннинг F-16 самолёти мамлакат ҳаво ҳудудига бостириб кирган деб ҳисоблаб, уни уриб туширган.
ОАВга кўра, ҳозирда Покистонда 5 та, жумладан, пойтахт аэропорти ҳам ёпилган. Ҳиндистонда шимолий ҳудудлардан ўтувчи рейслар бекор қилинган.
Покистон ва Ҳиндистон устидаги ҳаво кенгликларидаги мураккабликлар туфайли Air India ва Аэрофлот авиакомпанияларига тегишли иккита самолёт Ўзбекистондаги ҳаво ҳудудида вазият юмшашини кутаётган эди.
Шунингдек, Тошкент — Амритсар йўналишида учган Uzbekistan Airways авиакомпаниясига тегишли борт рақами UК-67007 бўлган Boeing 767-3CB(ER) самолёти Тошкент шаҳрига қайтиб келган эди.
***
Ўзбекистонда депутатлар, ҳокимлар, вазирлар ва бош вазир ўринбосарларининг маошлари миқдори ошкор қилинди.
Ўзбекистон Молия вазирлиги «Газета.uz» сўрови бўйича давлат хизматчилари ойлик маошлари тўғрисидаги маълумотларни тақдим этди.
***
Наманганда жорий йил кузида яна бир автозавод ишга тушади.
Попда UzFoton бренди остида Хитойнинг ўрта сиғимдаги юк автомобиллари ва микроавтобуси ишлаб чиқарилиши кутилмоқда.
***
GM Uzbekistan арзонлаштирилган нархларда янги автомобиль таклиф қилаётган фирмалардан огоҳ бўлишга чақирди.
Маълум бўлишича, айрим фирмалар фирибгарлик билан жуда арзонлаштирилган нархларда харидорларга янги автомобиль таклиф қилиб, натижада на автомобиль ва на пулни қайтариб бермаган. Бугун ўнлаб инсонлар ана шундай фирибгарларнинг қурбонига айланишга улгурган.
Изоҳ (0)