«Ўзиккиламчиранглиметалл» гелли (саноат) аккумуляторларини ишлаб чиқарувчи заводни ишга туширади, деб хабар берди Spot.
Лойиҳанинг умумий қиймати беш миллион доллардан ортиқ бўлиб, уни молиялаштириш Ўзбекистон Халқ банки томонидан берилган кредит ва корхона маблағлари ҳисобидан таъминланади.
Гелли аккумуляторларининг афзалликларидан бири унинг қўрғошин кислотали аккумуляторларга қараганда узоқроқ хизмат қилишида. Нормал шароитда экспулатация қилинганда аккумуляторнинг яроқлик муддати ўртача 10 йилни ташкил этади. Бундан ташқари, тизимнинг бутунлай герметиклиги таъминланади. Шу сабабли бундай аккумулятор батареяси ташқи таъсир, зарба ва тебранишларга чидамли бўлади.
Шунингдек, корхонада махсус инвестицион дастур ишлаб чиқилган бўлиб, унда ҳозирда ички бозорга хориждан олиб кирилаётган янги турдаги маҳсулотларни ишлаб чиқариш ўзлаштирилади.
«Ўзиккиламчиранглиметалл» АЖ Марказий Осиёдаги рангли металларни иккиламчи қайта ишлаш бўйича ягона ихтисослаштирилган корхона бўлиб, у республиканинг барча иқтисодиёт тармоқларига сифатли рангли металларни етказиб беради.
Изоҳ (0)