Фотогалерея: Бутун дунёни ишонтирган қалбаки расмлар

Интернет фойдаланувчилари ҳар куни ўз саҳифасига турли расмларни жойлайди. Одамларда энг кучли таассурот уйғотган расмларни эса майда деталларига аҳамият бермасдан бошқа фойдаланувчилар билан бўлишишга интилади. Аслида баъзи расмлар қалбаки ишлов берилган бўлиб чиқади. AdMe ана шундай расмларни тақдим этади.

1. 10 йил ичида тропик ўрмон билан содир бўлган ҳолат

Аслида эса бу ҳеч қандай 10 йиллик фарқ билан ясалган фотоколлаж эмас, балки битта суратдан ишланган расм

2. Йигит қойилмақом тарзда гуручни аралаштирмоқда

Аслида бу гуручни Токионинг ясама буюмлар дўконидан сотиб олишингиз мумкин. Гуруч ҳам, расм ҳам қалбаки

3. Фақат сувда кўринадиган граффитлар

Стрит-арт устаси Рей Барткус ушбу сужетни атайин тескари чизган. Шунда девордаги расм сувда тўғри акс этади. Лекин шамол бўлмаган пайтдагина. Акс ҳолда мана бундай кўриниш юзага келади:

4. Калифорнияда ёнғиндан қочган кийик ва силовсин боласи офис столининг тагига яширинган

Расм ҳақиқий. Лекин ҳар сафар АҚШдаги қайсидир ўрмонда ёнғин чиққанда айнан шу расм бошқа сарлавҳалар билан чиқарилади. Аслида бу расм 2009 йил ҳайвон қутқарувчи жамоага тегишли бўлган бинода суратга туширилган. Санта-Барбарадаги (Калифорния) ёнғин вақтида ушбу ҳайвон болалари Арнольд Шварценеггернинг ранчоси яқинидан топилган. Қутқарувчилар уларни офисга жойлашга мажбур бўлган.

https://www.flickr.com/photos/howlett1802/6254415840

5. Парижда Янги йил

Эйфел минорасидан отиладиган мушакбозлик мана аслида қандай кўринади:

6. Ит ўз хўжайинининг қабрига 7 йил давомида ҳар тун келди

https://www.facebook.com/WeLoveAnimals.me/photos/a.772474146187686/1591961940905565/?type=3

Бу ерда Капитан лақабли ит етти йил давомида ҳар тун эгасининг қабрига келиб, тонггача ухлаши айтилган. Расм ҳақиқий, ҳикоя ҳам. Аммо улар бир-бири билан боғланмаган. Худди шундай ҳикоя билан 2012 йилда бошқа итнинг расми интернетга жойлаштирилган эди:

7. Россиядаги одатий кун

Расм ҳақиқий, лекин айиқ ҳақиқий эмас. Икки нафар кўнгилли одам айиқнинг костюмини кийиб олган.

8. Музлаб қолган ўрдак кучук боласини қанотлари орасига олиб, иситди.

Январь ойида ушбу расм ижтимоий тармоқларда кенг тарқалди. Гўё расм Монтанадаги воқеани акс эттиргандек. Расм ҳақиқий, аммо у 2017 йилда Хитой блогларида пайдо бўлган. Унга кўра, кучукча совуқда музлаб қолган. Кўчадан бир гала ўрдаклар ўтиб кетаётганида кучукча улар томон югуриб, бир ўрдакнинг қаноти остига кириб олган.

9. Тошбақанинг бошига ўхшаш тоғ

https://www.facebook.com/AmazingNatureFans/photos/a.266117690711282/304306413559076/?тйпе=3

Аслида бундай тоғ йўқ. Расм бир нечта суратларни қўшиб, ишлов бериш натижасида яратилган.

10. Китнинг умуртқасига қадалиб қолган мегалодон тиши

Бу тиш ва суяк бошқа-бошқа жойлардан турли вақтда топилган.