Fotogalereya: Butun dunyoni ishontirgan qalbaki rasmlar

Internet foydalanuvchilari har kuni o‘z sahifasiga turli rasmlarni joylaydi. Odamlarda eng kuchli taassurot uyg‘otgan rasmlarni esa mayda detallariga ahamiyat bermasdan boshqa foydalanuvchilar bilan bo‘lishishga intiladi. Aslida ba’zi rasmlar qalbaki ishlov berilgan bo‘lib chiqadi. AdMe ana shunday rasmlarni taqdim etadi.

1. 10 yil ichida tropik o‘rmon bilan sodir bo‘lgan holat

Aslida esa bu hech qanday 10 yillik farq bilan yasalgan fotokollaj emas, balki bitta suratdan ishlangan rasm

2. Yigit qoyilmaqom tarzda guruchni aralashtirmoqda

Aslida bu guruchni Tokioning yasama buyumlar do‘konidan sotib olishingiz mumkin. Guruch ham, rasm ham qalbaki

3. Faqat suvda ko‘rinadigan graffitlar

Strit-art ustasi Rey Bartkus ushbu sujetni atayin teskari chizgan. Shunda devordagi rasm suvda to‘g‘ri aks etadi. Lekin shamol bo‘lmagan paytdagina. Aks holda mana bunday ko‘rinish yuzaga keladi:

4. Kaliforniyada yong‘indan qochgan kiyik va silovsin bolasi ofis stolining tagiga yashiringan

Rasm haqiqiy. Lekin har safar AQShdagi qaysidir o‘rmonda yong‘in chiqqanda aynan shu rasm boshqa sarlavhalar bilan chiqariladi. Aslida bu rasm 2009-yil hayvon qutqaruvchi jamoaga tegishli bo‘lgan binoda suratga tushirilgan. Santa-Barbaradagi (Kaliforniya) yong‘in vaqtida ushbu hayvon bolalari Arnold Shvаrtseneggerning ranchosi yaqinidan topilgan. Qutqaruvchilar ularni ofisga joylashga majbur bo‘lgan.

https://www.flickr.com/photos/howlett1802/6254415840

5. Parijda Yangi yil

Eyfel minorasidan otiladigan mushakbozlik mana aslida qanday ko‘rinadi:

6. It o‘z xo‘jayinining qabriga 7 yil davomida har tun keldi

https://www.facebook.com/WeLoveAnimals.me/photos/a.772474146187686/1591961940905565/?type=3

Bu yerda Kapitan laqabli it yetti yil davomida har tun egasining qabriga kelib, tonggacha uxlashi aytilgan. Rasm haqiqiy, hikoya ham. Ammo ular bir-biri bilan bog‘lanmagan. Xuddi shunday hikoya bilan 2012-yilda boshqa itning rasmi internetga joylashtirilgan edi:

7. Rossiyadagi odatiy kun

Rasm haqiqiy, lekin ayiq haqiqiy emas. Ikki nafar ko‘ngilli odam ayiqning kostyumini kiyib olgan.

8. Muzlab qolgan o‘rdak kuchuk bolasini qanotlari orasiga olib, isitdi.

Yanvar oyida ushbu rasm ijtimoiy tarmoqlarda keng tarqaldi. Go‘yo rasm Montanadagi voqeani aks ettirgandek. Rasm haqiqiy, ammo u 2017-yilda Xitoy bloglarida paydo bo‘lgan. Unga ko‘ra, kuchukcha sovuqda muzlab qolgan. Ko‘chadan bir gala o‘rdaklar o‘tib ketayotganida kuchukcha ular tomon yugurib, bir o‘rdakning qanoti ostiga kirib olgan.

9. Toshbaqaning boshiga o‘xshash tog‘

https://www.facebook.com/AmazingNatureFans/photos/a.266117690711282/304306413559076/?type=3

Aslida bunday tog‘ yo‘q. Rasm bir nechta suratlarni qo‘shib, ishlov berish natijasida yaratilgan.

10. Kitning umurtqasiga qadalib qolgan megalodon tishi

Bu tish va suyak boshqa-boshqa joylardan turli vaqtda topilgan.