Fast Company журнали дунёдаги энг инновацион компаниялар анъанавий рейтингини тузди. Бу ҳақда «Корреспондент.net» хабар берди.
Рейтингда биринчи ўринни Meituan Dianping хитой сервис компанияси эгаллаган. Бу компания тезкор тарзда меҳмонхонадан жой буюртириш, ресторандан стол банд қилиш, овқат буюртма қилиш ва чипта сотиб олиш билан шуғулланади.
Иккинчи ўрин эса Жануби-шарқий Осиёнинг Grab онлайн такси буюртма қиладиган сервис компанияга насиб қилган. Учинда ўринни АҚШнинг Миллий баскетбол лигаси эгаллаган.
Ўтган йилги рейтингда Apple компанияси етакчиликни қўлга киритган эди. Бу сафар эса у 17-ўринни эгаллаган.
Топ ўнталикдан, шунингдек, Walt Disney, Stitch Fix, Sweetgreen, Apeel Scienceс, Square, Oatly ва Twitch компаниялари ҳам ўрин олган.
Изоҳ (0)