18 февраль куни Низомий номидаги Тошкент давлат педагогика университетига Финляндиянинг JAMK амалий фанлар университети делегацияси ташриф буюрди. Бу ҳақда университет матбуот хизматига таяниб, ЎзА хабар бермоқда.
Учрашувда делегация вакиллари сифатида соғлиқни сақлаш бўйича доктор философ, консультант Йоханна Хейккиля, университетнинг ривожланиш бўйича директори Леена Лииматаинен, Молия ишлари бўйича вакил Пертти Малкки иштирок этди.
Низомий номидаги Тошкент давлат педагогика университети раҳбарияти билан ўтказилган музокаралар чоғида JAMK университети билан турли соҳалар бўйича ўзаро ҳамкорлик меморандумини имзолашга келишиб олинди.
Шунингдек, Финляндиянинг аниқ фанлар университети профессор-ўқитувчилари томонидан очиқ лексиялар ташкил этиш, мактабгача таълим ҳамда бошланғич таълим соҳаларида тажриба алмашиш, Европа иттифоқининг таълимни ривожлантиришга йўналтирилган Erasmus+ лойиҳаси доирасида соҳада мобилликни ривожлантириш бўйича ҳамкорлик қилиш режалаштирилди.
Ўзбекистон ҳамда Финляндия олий таълим муассасаларининг ўзаро ҳамкорлик алоқаларини йўлга қўйиш жараёнида минтақанинг ўзига хос хусусиятларини ҳисобга олган ҳолда Финляндиянинг қўшни Қозоғистон Олий таълим муассасалари билан ҳамкорлик алоқаларини ижодий ўрганишга келишиб олинди.
Изоҳ (0)