Халқ депутатлари Учтепа туман кенгашининг депутати, ЎзЛиДеП депутатлик гуруҳи раҳбари ўринбосари Нуриддин Зайнитдинов йўллардаги ўзбошимчалик ҳолатларини танқид қилди. Депутатнинг бу ҳақдаги пости «Fayzbog‘Uz» Telegram-каналига жойланди.
Охирги кунларда ўзбошимчалик билан, тегишли рухсатсиз автомобиль ойналарини 100 фоиз қорайтиб, стробоскоп (ялт-ялт этиб ёнувчи кўк-қизил маёқчалар), сирена ва овоз кучайтиргичларни ўрнатиб олиб, ўз қоидабузарлигини шу орқали яширишга, ўзини ҳаммадан устун эканлигини кўрсатишга уринувчи, ўзини юқори тутувчи ҳайдовчиларимиз кўпайиб кетмоқда.
Тўйга юрувчи машиналарни стробоскоп ва сирена ёқиб кортеж бўлиб юриши урфга кирмоқда.
Шунингдек, айрим ташкилотларнинг ходим ва мансабдорлари тезкор хизматларга алоқадор бўлмасалар-да, хизмат ёки шахсий автомобилларига рухсатсиз стробоскоп ўрнатиб, йўлларда ҳаракат вақтида авария ҳолатларини юзага келтириб, стробоскоп ёқиб, беписандлик билан ёндашаётгани, ўз амалини суиистеъмол қилаётгани ташвишли ҳолатдир.
Стробоскоп ўрнатиб, уни ёқиб юриш фақатгина оператив машиналарга, хизмат вақтидагина мумкинлигини кўпчилик унутиб қўйди.
Бу ҳолатлар ИИВ ЙҲХББнинг ҳам назоратидан четда қолмоқда.
Изоҳ (0)