Тошкент вилоятининг Чиноз туманида яшовчи Б.А. ИИБга мурожаат қилиб, шу йил 5 февраль куни соат 10:00дан 11:10гача бўлган вақт оралиғида номаълум шахс унинг уйига очиқ қолган эшик орқали кириб, хонасидан 600 000 сўм пули ва 4 000 АҚШ долларини ўғирлаб кетганлигини маълум қилганди. Бу ҳақда ИИВ жамоатчилик ва ОАВ билан алоқалар бошқармаси хабар берди.
Ҳолат юзасидан жиноят иши қўзғатилган эди.
Кўрилган чоралар натижасида ушбу жиноятни Тошкент тумани, Қизғалдоқ маҳалласида яшовчи Б.Б., Чиноз тумани, Хўжа маҳалласида яшовчи А.Ж. ва Зангиота тумани, Иттифоқ маҳалласида яшовчи М.Х. содир этганликлари аниқланиб, ушланди.
Тергов ҳаракатлари давом этмоқда.
Изоҳ (0)