Англиянинг “Манчестер Юнайтед” клуби Германиянинг “Лейпциг” жамоасида тўп сураётган 22 ёшли ҳужумчи Бенямин Шешкони ўз сафига қўшиб олиш учун ҳаракат бошлади. Бу ҳақда TEAMtalk нашри хабар бермоқда.
Манбага кўра, “қизил иблислар” Словения терма жамоаси ҳужумчиси ва унинг вакиллари билан доимий алоқада бўлиб турибди. Клуб Шешкони сотиб олиш учун бир нечта футболчиларни, хусусан вингерлар — Алехандро Гарначо ва Маркус Рэшфордни трансферга қўйишни режалаштирмоқда.
Ўтган мавсумда Бенямин Шешко барча мусобақаларда 45 та ўйинда майдонга тушиб, 21 та гол ва 6 та голли узатма муаллифига айланган. Унинг “Лейпциг” билан шартномаси 2029 йилнинг ёзигача амал қилади. Transfermarkt портали футболчининг қийматини 70 миллион еврога баҳоламоқда.
Изоҳ (0)