Паяриқда вилоят ҳокими Экринжон Турдимов раҳбарлигида жамоатчилик назорати гуруҳининг фаолияти якунлари кўриб чиқилди, деб хабар берди «Zarnews».
Назорат гуруҳлари томонидан туманда мавжуд 65 маҳаллада 4300 дан зиёд камчилик ва муаммолар аниқланган. Шундан 917 таси ижобий ҳал этилган, 1199 мурожаат қайтадан ижрога йўналтирилган. Туман тиббиёт бирлашмасига 195 та, туман бандликка кўмаклашиш марказига 115 та, мактабгача таълим бўлимига 56 та, туман ИИБга 87 та, туман газлаштириш идорасига келган 1098 та мурожаатда баён этилган муаммоларга ечим топилмаган.
Йиғилишда аҳоли муаммоларини ижро идораларига етказишга масъул бўлган маҳалла оқсоқоллари фаолияти ҳам таҳлил этилган.
Шунингдек, ижро ва меҳнат интизоми масалаларида ўзбошимчаликка, сансоларликка йўл қўйганлиги учун туманнинг 12 нафар раҳбарига нисбатан маъмурий жавобгарлик масаласини кўриш тавсия этилган.
Йиғилиш якунида туман ҳокимлиги, секторлар ва мутасадди идора раҳбарлари зиммасига жамоатчилик назорати гуруҳлари томонидан аниқланган камчилик ва муаммоларни қисқа муддатда бартараф этиш чоралари белгиланган.
Изоҳ (0)