Бугун,

  • USD 11095.31
  • RUB 173.84
  • EUR 10772.44

Бугун, 4 февраль куни Тошкент шаҳридаги Miran International меҳмонхонасида атом энергетикаси бўйича семинар бошланди, деб хабар берди «Дарё» мухбири Севара Нишонова.

Фото: «Дарё» / «Ўзатом» агентлиги бош директори ўринбосари Баҳром Мансуров

Фото: «Дарё» / «Ўзатом» агентлиги бош директори ўринбосари Баҳром Мансуров

Семинарда атом энергетикаси бўйича халқаро агентлик — АЭХА (МАГАТЭ) делегацияси, «Росатом» давлат агентлиги ва «Ўзатом» агентлиги вакиллари иштирок этмоқда. Унда атом электр станцияси учун майдон танлашда хавфсизлик ва бошқа муҳим масалалар бўйича маърузалар тингланди.

«Бугунги кунда Ўзбекистоннинг бир нечта ҳудудида атом электр станциясини қуриш бўйича муҳандислик қидирув ишлари амалга оширилмоқда. Ана шундай тадқиқотлар Айдар-Арнасой тизимига кирувчи Тузкон кўли яқинидаги ҳудудда ҳам олиб борилмоқда. Биз у ерда учта майдонни ўрганмоқдамиз. Шунингдек, Навоий ва Бухоро вилоятлари чегарасида жойлашган Тўдакўл сув омбори яқинида ҳам иккита майдон кўздан кечирилмоқда. Муҳандислик қидирув ишлари бир неча босқичда амалга оширилади. Бугунги кунга келиб, биринчи босқични якунлаш арафасидамиз. Йил давомида ҳар бир майдон ҳақида маълумотлар жамланиб, якуний хулосага келинади», — дейди «Ўзатом» агентлиги директори ўринбосари Баҳром Мансуров.

2018 йил 7 сентябрда Россия федерацияси ва Ўзбекистон Республикаси бош вазирлари ўртасида Ўзбекистонда Россия лойиҳаси асосида атом электр станциясини қуриш бўйича ҳукуматлараро битим имзоланган. Лойиҳада ВВЭР-1200 турдаги реакторли иккита энергоблокни қуриш кўзда тутилган.

Ўзбекистон Президентининг 2018 йил 13 октябрда қабул қилинган ПҚ-3969 сонли қарорига мувофиқ имзоланган битим кучга кирди.

Ўзбекистонда АЭСнинг биринчи энергоблокини 2028 йилнинг охиригача ишга тушириш мўлжалланган.

Семинар ўз ишини 6 февраль куни якунлайди.

Изоҳ
Асосий янгиликлар
Дунё
Охирги 100 йил ичида содир бўлган дунёдаги энг кучли 10 та зилзила (видео+фото)
Дунё
Польша бош вазири Украинадаги уруш учинчи жаҳон урушига айланишини прогноз қилди
Дунё
Қозоғистонда икки яшар бола 11 та магнитни ютиб юборди (фото)