Тошкент шаҳар ИИББ ходимлари бедарак йўқолган 26 ёшли Давронбек Шербоевни қидирмоқда. Бу ҳақда пойтахт ИИББ матбуот хизмати маълум қилди.
2019 йилнинг 28 январь куни Яшнобод туманида истиқомат қилувчи аёл ички ишлар органларига мурожаат қилган. У жорий йилнинг 15 январь куни тахминан 12:30 ларда 26 ёшли ўғли Давронбек Шербоев Nexia автомобилида (давлат рақами 40 У 041 КА) номаълум йўналишда кетган ва бедарак йўқолганлигини маълум қилган.
Аёлнинг сўзларига қараганда, Давронбек аввал ҳам бир неча кунлаб уйга келмаганлиги сабабли ўғлининг йўқолганлиги ҳақида дарҳол хабар бермаган. Қидирув тадбирлари давомида Д.Шербоев 29 январь куни чегарадан ўтиб (машинасиз), бир муддат Қирғизистон Республикасида бўлганлиги, бироқ шу куннинг ўзидаёқ ортга қайтганлиги аниқланди. Бедарак йўқолган Д.Шербоевни қидириш ишлари давом этмоқда.
У ҳақда бирор маълумотга эга бўлган фуқаролардан ИИБ ёки «102» рақамига мурожаат қилиш сўралади.
Изоҳ (0)