Наманган шаҳридаги 1-сонли ички ишлар бўлими ҳудудида жойлашган кўп қаватли уйлар, автотураргоҳлар, йирик савдо мажмуалари, бозор ва бошқа аҳоли гавжум жойларга видеокузатув мосламаларини босқичма-босқич ўрнатиш ишлари бошланди. Бу ҳақда «Дарё»га Наманган вилоят ИИБ матбуот хизмати маълум қилди.
Мазкур бўлим шаҳардаги 393 та кўп қаватли уй жойлашган 8 та кичик туманга хизмат кўрсатади.
2018 йил якуни билан шаҳар ҳудудидаги 1390 объектдан 535 тасига 1928 та видеокузатув камераси ўрнатилди. «Хавфсиз шаҳар» концепцияси асосида жами 2780 та камера ўрнатилиши белгилаган.
Мосламалар инновацион қулайлик сифатида жиноят ва ҳуқуқбузарликларни аниқлаш, уларнинг олдини олиш, иссиқ изида очишда қўл келмоқда.
Ушбу тадбирлар шаҳар ҳудудида жиноятчилик ва ҳуқуқбузарликларни барвақт олдини олиш, криминоген вазиятни барқарорлаштириш, бунда замонавий технологиялардан унумли фойдаланиш, айниқса, кўп қаватли уйлар олдидаги болалар майдончалари, савдо шохобчалари, автотураргоҳлар ҳамда кўп қаватли уйларга кириш йўлакчаларини доимий назорат қилиш ва визуал қамровга олиш мақсадида амалга оширилмоқда.
Изоҳ (0)