30 январь, чоршанба куни футбол бўйича Испания Кубогининг 1/4 финали доирасида яна 2 та учрашув якунланди.
Эрнесто Вальверде бошқарувидаги Каталониянинг «Барселона» клуби ўз майдонида «Севилья» жамоасини синовдан ўтказди.
Беллашувнинг 13-дақиқасида ҳакам томонидан «Севилья» дарвозасига пеналтй белгиланди. Филиппе Коутиньо бундан унумли фойдаланиб, ҳисобни очди (1:0). 31-дақиқада Иван Ракитич Артур узатган тўпни дарвозага киритди (2:0).
2-бўлимнинг 53-дақиқасида Филиппе Коутиньо ҳисобни 3:0 кўринишига келтирди ва дублга эришди (3:0). Орадан бир дақиқа ўтиб, Серхи Роберто Лео Месси узатмасини голга айлантирди ва ҳисобни йириклаштирди (4:0). 67-дақиқага келиб «Севилья» ярим ҳимоячиси Гилерме Арана Яспер Киллессен дарвозасини ишғол қилди. 89-дақиқада Луис Суарес ўз ҳисобига битта гол ёздириб қўйди. 90-дақиқада эса жамоа етакчиси Лионель Месси рақиб дарвозасига тўп киритди. Иккала голга ҳам Жорди Алба ҳаммуаллифлик қилди.
Шу тариқа Каталония клуби «Севилья»ни йирик ҳисобда мағлубиятга учратди.
Эслатиб ўтамиз, мусобақанинг 1/4 финал дастлабки учрашувида «Севилья» клуби «Барселона»ни 2:0 ҳисобида таслим қилганди. Икки ўйин натижасига кўра ҳисоб — 6:3.
Испания Кубоги
1/4 финал баҳслари
30 январь, чоршанба
«Бетис»—«Эспаньол» 3:1 (1:1)
Голлар: 0:1 — 33 Баптистао, 1:1 — 76 Ло Селсо, 2:1 — 95 Леон, 3:1 — 99 Манди.«Барселона»—«Севилья» 6:1 (0:2)
Голлар: 1:0 — 13 Коутиньо, 2:0 — 31 Ракитич, 3:0 — 53 Коутиньо, 4:0 — 54 Роберто, 4:1 — 68 Арана, 5:1 — 89 Суарес, 6:1 — 90 Месси.«Барселона»: Киллессен, Роберто, Пике, Ленгле, Алба, Ракитич (Видаль, 76), Бускетс, Артур (Алена, 90), Месси, Суарес, Коутиньо (Семеду, 81).
«Севилья»: Сориано, Каррисо, Кер, Гомес, Промес, Банега (Бен Еддер, 77), Амаду, Меса (Васкес, 77), Арана (Гил, 84), Силва, Сарабия.
Огоҳлантиришлар: Суарес (30), Каррисо (34), Гомес (72).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)