28 январь, душанба куни футбол бўйича Осиё Кубоги—2019 мусобақасининг дастлабки ярим финал учрашуви бўлиб ўтади.
Унда мусобақанинг икки фаворити — Эрон ҳамда Япония терма жамоалари баҳсга киришади. Беллашув Тошкент вақти билан соат 19:00 да бошланади.
Эслатиб ўтамиз, мусобақанинг чорак финалида Эрон терма жамоаси Хитойни йирик 3:0 ҳисобида мағлуб этиб, мусобақадан чиқариб юборганди.
Япония термаси эса Вьетнам билан кечган чорак финал баҳсида пенальтидан киритилган ягона гол эвазига ғалабани илиб кетди.
Маълумот учун, иккинчи ярим финалчилар эртага ўйнайди. Унда Қатар терма жамоаси БААга қарши майдонга тушади.
Осиё Кубоги—2019
28 январь, душанба
1/2 финал баҳслари
Эрон—Япония 19:00
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)