Ўзбекистонда 2018 йилда истеъмолчилар энг кўп савдо соҳасидан шикоят қилди

Ўзбекистонда 2018 йилда истеъмолчилар фойдасига жами 7,8 миллиард сўм етказилган зарар қайта ҳисоб-китоб қилиб берилди. Бу ҳақда Истеъмолчилар ҳуқуқини ҳимоя қилиш жамиятлари федерацияси маълум қилди, дея хабар беради «Халқ сўзи».

2018 йилда фуқароларнинг мурожаатларини ўрганиб, соҳалар кесимида таҳлил қилинганда истеъмолчилардан келиб тушган мурожаатларнинг катта қисми савдо соҳасига тегишли экани аён бўлди.

Жумладан:

Савдо — 4083 та мурожаат;

Табиий газ таъминоти — 2409 та;

Электр таъминоти —1908 та;

Сув таъминоти — 795 та;

Коммунал хизмат кўрсатиш — 648 та;

Алоқа — 453 та;

Транспорт — 382 та;

Соғлиқни сақлаш — 248 та;

Бошқа — 2163 та.

Фуқароларнинг мурожаатларини ўрганиш ҳудудларда айнан савдо, табиий газ ва электр таъминоти соҳаларида бугунги кунда ечимини кутаётган ишлар кўплигидан далолат бермоқда.

2017 йилда фуқаролардан федерацияга жами 14127 та мурожаат тушган бўлса, 2018 йилда бу кўрсаткич камайиб, 13089 тани ташкил этган. 2017 йилда энг кўп мурожаат табиий газ таъминоти юзасидан бўлганди.