Ўзбекистон пахта толаси сотувини камайтиришда давом этмоқда

Ўзбекистон 2018 йилда 222,1 миллион долларлик 115,6 минг тонна пахта толаси экспорт қилди. Давлат статистика қўмитаси маълумотлари шундан далолат бермоқда, дея хабар беради Spot.

Охирги 4 йил мобайнида пахта толаси экспорти ҳажми бир неча бор камайди. Жумладан, бу кўрсаткич 2015 йилда 503,8 минг тонна (736,1 миллион доллар), 2016 йилда 416 минг тоннани (637,3 миллион доллар) ташкил этган бўлса, 2017 йилда 278,9 минг тоннага (477,1 миллион доллар) тушиб қолди.

Экспорт умумий ҳажмида пахтанинг улуши 2015 йилдаги 5,9 фоиздан 2018 йилда 1,6 фоизгача қисқарди.