21 январь, душанба куни футбол бўйича Осиё Кубоги—2019 мусобақасининг 1/8 финали доирасида навбатдаги 3 та ўйин бўлиб ўтади.
Куннинг датлабки учрашувида Япония терма жамоаси Саудия Арабистони билан баҳсга киришади. Тўқнашув Тошкент вақти билан 16:00 да бошланади.
Эслатиб ўтамиз, Япония термаси «F» гуруҳ баҳсларини мағлубиятларсиз якунлаган эди. Саудия Арабистони эса сўнгги ўйинда Қатар термасига мағлуб бўлиб, гуруҳда 2-ўринни эгаллаб, плей-оффга чиқди.
Иккинчи баҳсда эса мусобақа фаворитларидан бири Австралия терма жамоаси Эктор Купер қўл остидаги Ўзбекистон термасига қарши майдонга тушади. Мазкур учрашув Ал-Айн шаҳридаги «Ҳалифа Бин Заййид» стадионида бўлиб ўтади. Ўйин 19:00 да бошланади. Иккала жамоа ҳам гуруҳ баҳсларидан сўнг 6 очко тўплаб, мусобақанинг плей-оффига чиққанди.
Ушбу босқичда мусобақа мезбони БАА термаси Қирғизистон терма жамоаси билан курашади. Учрашув 22:00 да бошланади. Маълумот учун, БАА «А» гуруҳида 1-ўринни эгаллаганди. Қирғизистон эса «C» гуруҳида учинчи ўринда плей-оффга чиққанди.
Осиё Кубоги—2019
21 январь, душанба
1/8 финал баҳслари
Япония—Саудия Арабистони 16:00
Австралия—Ўзбекистон 19:00
БАА—Қирғизистон 22:00
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)