8 январь, шанба куни футбол бўйича Осиё Кубогининг 1-тури доирасида «D» гуруҳидаги иккинчи учрашув ўз ниҳоясига етди.
Ушбу ўйинда Ироқ терма жамоаси Вьетнам термасига қарши майдонга тушди ва сўнгги дақиқаларда ғалабани илиб кетди (3:2).
Беллашувнинг 24-дақиқасида Ироқ терма жамоаси ҳимоячиси Али Фаёз Атияҳ ўз дарвозасини ишғол қилиб қўйди (0:1). 35-дақиқада эса Моҳанад Кадим Вьетнам термаси ҳимоячисининг хатосидан унумли фойдаланиб, ҳисобни тенглаштирди (1:1). 1-бўлимнинг асосий вақти тугашига 3 дақиқа қолганда Чонг Пҳуонг Нгуен Ироқ термаси дарвозабони Жалол Ҳассандан қайтган тўпни қабул қилди ва гол урди (1:2).
2-бўлимнинг 60-дақиқасида Ҳумам Ториқ кучли зарба билан Данг Ван Лам қўриқлаётган дарвозага тўп киритди. Ўйиннинг сўнгги дақиқаларида Али Адан ҳисобни 3:2 кўринишига олиб келди.
Шу тариқа, Ироқ терма жамоаси Вьетнам термаси устидан иродали ғалабани қўлга киритди.
Осиё Кубоги—2019
«D» гуруҳи, 1-тур
8 январь, сешанба
Ироқ — Вьетнам 3:2
Голлар: 0:1 — 24, автогол, Али Фаёз Атияҳ, 1:1 — 35 Моҳанад Каҳим, 1:2 — 42 Чонг Пҳуонг Нгуен, 2:2 — 60 Ҳумам Ториқ, 3:2 — 90 Али Аднан.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)