Ўзбекистон истеъмолчиларни ҳуқуқларини ҳимоя қилиш жамиятлари федерацияси ва ЎзА жойлардаги вакиллари биргаликда ҳудудлардаги газ қуйиш шохобчаларида ўрганиш ўтказди.
Навоий вилояти автомобилларга сиқилган газ (метан) қуйиш шохобчаларида 1 куб газнинг сотилиш нархи тўғрисида маълумот қуйида келтирилади:
Навоий шаҳридаги «Нурота Замин», «Зарафшон Файз Оил» ва «Sputnik Кармана Инвест», Кармана туманидаги «Кармана Газсервис», «Маринел газ», Нурота туманидаги «Метангаз Нурота», Навбаҳор туманидаги «Sputnik Авто Сервич», Хатирчи туманидаги «Муҳаммад Али Қувончи» масъулияти чекланган жамиятида 2200 сўмдан сотилмоқда.
Зарафшон шаҳридаги «Навоий Асcom», «Зарафшон глас», Конимех туманидаги «Кармана Алфагаз» масъулияти чекланган жамиятида эса унинг баҳоси 2100 сўм.
Шунингдек, Қизилтепа туманидаги «Қизилтепа Зарафшон Алангаси», «Қизилтепа Метангаз Транс», «Газ Алианс Сервис», «Зарафшон Автогаз»да ҳайдовчилар 2000 сўмдан газ қуйиб олмоқда.
«Автомобильларга сиқилган газ (метан) қуйиш шохобчаларидаги нархлардаги бундай ўзгаришларга ким жавоб беради? Уларни тартибга чақирадиган ва нарх-наводаги бундай сакрашларга изоҳ бера оладиган мутасаддилар борми?», — дейилади хабарда.
Изоҳ (0)