Сурхондарё вилоятидаги «Халқаро ёшлар оромгоҳи»да Ёшлар иттифоқи ҳамда Халқ таълим вазирлиги ташкил этган «Аъло таътил» лойиҳасига старт берилди, деб ёзмоқда ЎзА.
Ўзбекистоннинг барча ҳудудидан келган 192 нафар аълочи ўқувчи 3—10 январь кунлари «Аъло таътил» дам олиш ва ижод оромгоҳида ҳордиқ чиқаради.
– Ушбу лойиҳага иштирок этиш истагини билдирган 1000 нафарга яқин ўқувчилар ичидан 192 нафарини танлаб олдик. Лойиҳада фан олимпиадаси ғолиблари, чоракни аъло баҳолар билан тугатган, дарсларни намунали ўзлаштирган энг фаол ва аълочи ўқувчилар жам бўлган. 1 ҳафта давомида ўқувчи-ёшларимиз биргаликда янги лойиҳалар устида ишлаб, мароқли ҳордиқ чиқаришади, – дейди Ўзбекистон ёшлар иттифоқи Марказий Кенгаш бўлим мудири Дурдона Раҳимова.Лойиҳа давомида ўқувчи ёшлар учун турли спорт тадбирлари, маданий дастурлар, саёҳатлар ташкил этилади.
Изоҳ (0)