Дунёдаги энг катта юк кемаларидан бири Шимолий денгизда заҳарли химикатлар солинган контейнерларни йўқотди

Дунёдаги энг йирик контейнер ташувчи кемалардан бири — салкам 400 метрли MSC Zoe  Шимолий денгиз акваториясига ўтиш чоғида 270 та контейнерни йўқотди. Бу ҳақда «РБК» хабар бермоқда.

Панама байроғи остида сузган ва Португалиядан Германияга йўл олган юк кемаси 2 январга ўтар кечаси пўртанага дуч келган.

Камида 21 та контейнер ва унинг ичидагилар — телевизорлар, мебел ва ўйинчоқлар Нидерландиянинг Влиланд ҳамда Терсхеллинг ороллари қирғоғига бориб етган. Яна бир қисм контейнерлар Германиянинг Боркум ороли соҳили яқинида пайқалган.

Кема олиб кетаётган 3 та контейнерда заҳарли ва портловчи кимёвий бирикмалар сақлангани билдирилмоқда.