Данияда темир йўлдаги авария оқибатида 6 киши ҳалок бўлди

Даниядаги темир йўлда юз берган авария оқибатида 6 киши ҳалок бўлди, яна 16 киши жароҳатланди. Бу ҳақда «РИА Новости» хабар берди.

Авария Фюн ва Зеландия оролини Катта Бельт боғози орқали боғловчи кўприкда содир бўлди.

Дастлабки маълумотларга кўра, авария кўприкдан ўтаётган поезднинг илкисдан тормоз бериши оқибатида юз берган.

Қайд этилишича, кўприкдан ўтаётган юк поездининг томи учиб кетиб, қарама-қарши йўналишда келаётган йўловчи поездига бориб урилган. Шунда поезд машинисти илкисдан тормоз берган.

Поездда ҳаммаси бўлиб 131 киши бўлган. Жабрланганларнинг жароҳати унчалик хавфли эмаслиги айтилмоқда.