Шу йилнинг 8 декабрь куни Андижон вилоятининг Бўз тумани ИИБ ходимлари томонидан шу худудда жойлашган 44-сонли ЙПХ масканида тезкор тадбир ўтказилди. Бу ҳақда Бўз тумани ИИБ ҳузуридаги Тергов бўлинмаси «Дарё»га хабар бермоқда.
Тадбир давомида Қўқон шаҳридан Андижон шаҳрига ҳаракатланиб келаётган М.Ж. бошқарувидаги Lacetti русумли автомашинаси тўхтатилиб, унинг ички қисми кўздан кечирилганда ҳеч қандай тегишли ҳужжатларсиз, 1120 дона «Лирика», 560 дона «Gerica» ҳамда 1120 дона «Perge» дори воситалари борлиги аниқланди. М.Ж. ушбу дори маҳсулотларини Андижон шаҳрида яшовчи А.И. исмли аёлга 5 112 000 сўмга сотиш учун олиб кетаётганлигини маълум қилган.
Ҳозирда мазкур ҳолат юзасидан терговга қадар текширув ишлари олиб борилмоқда.
Изоҳ (0)