Саудия Арабистони асосчисининг ўғли шаҳзода Талал бин Абдулазиз 87 ёшида вафот этди. Бу ҳақда «РБК» хабар бермоқда.
Шаҳзода умрининг охирги ойларида оғир хасталикка чалинди. У 2018 йил бошида подшоҳликдаги аксилкоррупциявий тозалаш давомида ўғли Ал-Валид ва унинг икки укаси ҳибсга олинганидан сўнг очлик эълон қилганди. Ҳибсга қадар Ал-Валид дунёнинг энг бой одамлари қаторига кирар, бироқ кейинги суриштирувлар ва жарима тўлаганидан кейин мол-дунёсининг катта қисмини йўқотганди.
Шаҳзода Талал ўтган асрнинг 50-60 йилларида Саудия Арабистони алоқа ва молия вазири лавозимини эгаллаган, шунингдек, миллий авиакомпанияни назорат қиларди. У умрининг охиригача монархияни чеклаш тарафдори бўлиб келган, ўзининг қарашлари туфайли «Қизил шаҳзода» деган ном олганди.
Изоҳ (0)