Ўзбекистон Республикаси Молия вазирлиги ҳузуридаги бюджетдан ташқари Пенсия жамғармаси замонавий, сифатли логотипни яратиш бўйича танлов эълон қилди. Бу ҳақда ЎзА хабар берди.
Танловда профессионал графика дизайнерлари, ижодкорлар ва бадиий маҳоратга эга бўлган ижодкорлар иштирок этиши мумкин.
Логотипнинг мафкуравий таркиби Пенсия жамғармасининг ўзига хос хусусиятлари, шунингдек, қонуний, маданий ва эстетик стандартларга мос келиши керак.
Танловга аризалар 2018 йилнинг 18—31 декабригача қабул қилинади. Топширилган ишлар 2019 йилнинг 7—15 январигача баҳоланади.
Материалларн pension_uz@pfca.mf.uz электрон почтаси орқали қабул қилинади.
Танлов ғолиби энг кам ойлик иш ҳақининг 25 баравари миқдорида пул мукофоти билан мукофотланади.
Изоҳ (0)