Навоий вилояти Фавқулодда вазиятлар бошқармаси томонидан шаҳардаги Ёшлар маркази биноси ёнидаги майдонда «Фавқулодда вазиятларни олдини олиш чодирли шаҳарчаси» ташкил этилди.
Ушбу чодирли шарарчага 4 та палатка ўрнатилиб, палаткалар «Табиий ва ис газидан заҳарланишнинг олдини олиш», «Консерваланган маҳсулотларни истеъмол қилишда огоҳ бўл», «Қутуриш касаллигидан сақланинг», «Зилзилада тўғри ҳаракат қилишни ўрганмиз » мавзуларида кўргазмалар билан жиҳозланди ва ҳар бир палаткада профилактик тушунтириш ишлари олиб борилди.
Шаҳарчада ёнғинга қарши кураш жамияти, газ хизмати хизмати ҳамда давлат санитария назорати маркази томонидан фуқаролардан олиб қуйилган истеъмолга яроқсиз бўлган консерва маҳсулотлари ва ностандарт, носоз, қўлбола ясалган иситиш воситалари кўргазмаси ташкил этилди.
Шунингдек «Фавқулодда вазиятларни олдини олиш чодирли шаҳарчаси»да Фавқулодда вазиятлар бошқармаси, ёнғин хавфсизлиги хизмати, соғлиқни сақлаш, ички ишлар, газ хизмати, электр таъминоти хизматларининг махсус техникалари кўриги ўтказилди.
Тадбирда 1500 дан ортиқ иштирокчилар қатнашди.
Изоҳ (0)