Оқдарё тумани ҳокими бошчилигидаги делегациянинг яқинда Жанубий Кореяга сафари давомида «Sam Green Agro House» Co., ltd, «Rico Gropp», «Metabusco» корпорациялари вакиллари билан учрашувларда ана шундай келишувларга эришилди. Бу ҳақда ЎзА хабар берди.
«Бугунги кунда туманимизда Корея Республикасидаги бир қатор фирма ва компаниялар билан ҳамкорлик йўлга қўйилган. Айниқса, замонавий иссиқхоналар ташкил этиш борасида кўплаб лойиҳалар амалга оширилмоқда. Сафар давомида ўтказилган бизнес форум, брифинг ва учрашувларда ҳамкорликнинг бугунги ҳолати ва келгуси истиқболларини атрофлича муҳокама этдик. Натижада Корея компаниялари туманимизда замонавий иссиқхона хўжаликлари ташкил этиш учун 2,3 миллион доллар миқдорида инвестиция киритадиган бўлди. Шунингдек, энергия тежамкор қуёш батарея панелларини ишлаб чиқаришни йўлга қўйиш режалаштирилди, – дейди Оқдарё тумани ҳокими вазифасини бажарувчи Ф.Абилов.
Бугунги кунда тумандаги Барака массивида гидропоника усулидаги иссиқхоналар қуриш учун 10 гектар ер майдони ажратилган. Бу ерда картошка уруғчилиги бўйича ҳам замонавий лаборатория ташкил этилади.
Изоҳ (0)