Кутубхонанинг 100 йиллиги муносабат билан ташкил этилган тантанали тадбирда тизимга алоқадор ходимлар, ёзувчи ва шоирлар, жамоатчилик вакиллари, китобхон ёшлар иштирок этди. Бу ҳақда ЎзА хабар берди.
Тадбирда дастлаб китоб ва кутубхонанинг инсоният ҳаётидаги беқиёс роли, жамият тараққиётидаги ўрни, шунингдек, бир асрдан буён вилоят аҳли, зиёлилар, ёшларнинг маънавий эҳтиёжига хизмат қилиб келаётган мазкур кутубхонанинг аҳамияти таъкидланди, унинг тарихига доир муҳим ва қизиқарли маълумотлар берилди.
Ўз фаолиятини 540 дона китоб билан бошлаган мазкур зиё маскани бугунги кунда 600 мингдан зиёд китоб фондига эга. Бундан ташқари, вилоят кутубхонаси хазинасида жами 5 миллион 205 минг дона китоб, 380 минг дона электрон ресурс, 252 минг дона «МАРС» ёзувлар жамланмаси мавжуд таълим муассасалари кутубхоналари, ахборот ресурс марказларининг услубий маркази ҳисобланади.
Ўтган йилда ушбу зиё маскани томонидан 665 минг 543 нафар китобхонга хизмат кўрсатилган бўлса, якунланаётган йилда бу кўрсаткич 26 фоизга ўсди. Ахборот кутубхона марказларига қатнаб рўйхатдан ўтган фойдаланувчилар сони 1 миллион 50 минг 701 нафарни ташкил қилди.
1918 йилда асос солинган ушбу зиё масканига атоқли давлат ва жамоат арбоб, адиб Шароф Рашидов ташаббуси 1980 йилда мана шу муҳташам янги бино қуриб берилган. Унинг очилиш маросимида Шароф Рашидовнинг ўзи ҳам иштирок этиб, кутубхонани мумтоз шоирамиз Нодирабегим номи билан аташни таклиф этганликларини ҳамон фахр билан эслаб юрамиз, – дейди кутубхона раҳбари М. Жўрабоева.
Изоҳ (0)