Самарқандга Индонезиянинг «Саҳид» фонди президенти Нургоҳо Сукамдани бошчилигидаги делегация ташриф буюрди. Ташриф дастури доирасида вилоят ҳокимлигида музокара ўтказилди, дея хабар берилди вилоят ҳокимининг Facebook’даги саҳифасида.
Олиб борилган музокараларда делегация аъзолари «Саҳид» фондига 1953 йилда асос солинганлиги, Индонезия бўйлаб «Sahid hotels» бренди остида 27 та меҳмонхонага эгалиги, шунингдек, фонд ўз туристик компанияси, университети ва коллежига эга эканлигини билдириб ўтишди.
Фонд президенти Паяриқ туманидаги ал-Бухорий комплексида 5 юлдузли ва Самарқанд шаҳрида 65 ўринга мўлжалланган меҳмонхоналар қуришни таклиф қилди. Учрашув давомида Самарқанддаги «Ипак йўли туризми» ва «Саҳид» университетлари ўртасида меморандум имзоланганлиги таъкидлаб ўтилди.Музокаралар якунида инвестиция ҳамда туризм соҳаларида ҳамкорликни йўлга қўйишга келишиб олинди.
Изоҳ (0)