28 ноябрь, чоршанба куни футбол бўйича Европа Чемпионлар Лигасининг 4 та гуруҳида 5-тур ўйинлари бўлиб ўтди.
«А» гуруҳининг илк ўйинида «Атлетико Мадрид» ўз майдонида «Монако»ни қабул қилиб, 2:0 ҳисобида ғалаба қозонди. Голлар Коке ҳамда Антуан Гризманн ҳисобига ёзилди. «Боруссия Д» эса ўз уйида «Брюгге» билан 0:0 ҳисобида дуранг ўйнади ва гуруҳ пешқадамлигини бой берди.
«B» гуруҳи пешқадами «Барселона» Эйндховенга сафар қилиб, 2:1 ҳисобидаги ғалабани қўлга киритди. Каталонияликларнинг голлари Пике ҳамда Месси томонидан киритилган бўлса, мезбонларнинг жавоб голига де Йонг муаллифлик қилди.
Гуруҳнинг иккинчи беллашуви эса Лондонда «Тоттенҳэм» ҳамда «Интер» жамоалари ўртасида кечди. Ўйин тақдири 80-дақиқада Кристиан Эриксеннинг ягона голи орқали ҳал этилди.
«C» гуруҳида ПСЖ жамоаси Парижда Юрген Клопп қўл остидаги «Ливерпуль»ни қабул қилиб, 2:1 ҳисобида ғалаба қозонди. Мезбонлар сафида Хуан Бернат ва Неймар гол киритган бўлса, «мерсисайдликлар»дан бу голга Жеймс Милнер жавоб қайтарди.
Неаполда эса «Наполи» жамоаси гуруҳ аутсайдери «Црвена Звезда»ни синовдан ўтказиб, 3:1 ҳисобида ғалаба қозонди. Ўйинда Дрис Мертенс дублга эришди.
«D» гуруҳининг илк ўйини Москвада «Локомотив» ва «Галатасарой» жамоалари ўртасида кечди. Унда «темирйўлчилар» 2:0 ҳисобида ғалабага эришди. Гуруҳнинг иккинчи ўйинида «Шальке-04» жамоаси сафарда «Порту»га қарши майдонга тушиб, 1:3 ҳисобида мағлуб бўлди.
Чемпионлар Лигаси
5-тур ўйинлари
28 ноябрь, чоршанба
«А» гуруҳи
«Атлетико Мадрид»—«Монако» 2:0
Голлар: 1:0 – 2 Коке, 2:0 – 24 Гризманн.«Боруссия Д»—«Брюгге» 0:0
«B» гуруҳи«ПСВ Эйндховен»—«Барселона» 1:2
Голлар: 0:1 – 61 Месси, 0:2 – 70 Пике, 1:2 – 82 де Йонг.«Тоттенҳэм»—«Интер М» 1:0
Гол: 1:0 – 80 Эриксен.«C» гуруҳи
ПСЖ—«Ливерпуль» 2:1
Голлар: 1:0 – 13 Бернат, 2:0 – 37 Неймар, 2:1 – 45, пенальти Милнер.«Наполи»—«Црвена Звезда» 3:1
Голлар: 1:0 – 11 Гамшик, 2:0 – 33 Мертенс, 3:0 – 52 Мертенс, 3:1 – 57 Бен-Набуан.«D» гуруҳи
Изоҳ (0)