27 ноябрь, сешанба куни футбол бўйича Европа Чемпионлар Лигаси 5-тури доирасида «Ювентус» клуби ўз майдонида «Валенсия»ни 1:0 ҳисобида мағлуб этди.
Ўйиндаги ягона голни 59-дақиқада Криштиану Роналдунинг голли узатмасидан сўнг Марио Манжукич киритишга эришди.
Мазкур ғалаба Криштиану учун Чемпионлар Лигасидаги юзинчиси бўлди. Қайд этиш жоиз, Роналду шу вақтга қадар Чемпионлар Лигасида иштирок этиб кўрган 140 жамоанинг 136 таси қўлга киритган ғалабадан кўпроқ муваффақият қозонган.
Маълумот учун, Роналду ҳозирда Чемпионлар Лигаси тарихида энг яхши тўпурар ҳам бўлиб турибди. Унинг ҳисобида 121 та гол мавжуд.
Изоҳ (0)