«Роскомнадзор» (Алоқа, ахборот технологиялари ва оммавий коммуникациялар соҳасидаги назорта бўйича федерал хизмат) Google тақиқланган интернет-манбалар рўйхатидан иборат тизимга уланмагани учун, компанияга нисбатан маъмурий иш қўзғади. Бу ҳақда «РИА Новости» хабар бермоқда.
«2018 йил 26 ноябрь куни Google, LLC’га нисбатан маъмурий қонунбузарлик ҳақида баённома тузилди», — дейилади муассаса хабарида.
Иш декабрда кўриб чиқилади.
Нашр эслатишича, 1 октябрдан Россияда қидирув тизимларига тақиқланган ахборот ягона реестрига уланиш ва қидирув натижаларини стоп-листдаги сайтлардан тозалаш мажбуриятини юкловчи қонун кучга кирди.
Google реестрга қўшилгани йўқ. Компанияга 500 дан 700 минг рублгача жарима солиниши мумкин.
Изоҳ (0)