Янги Зеландиядаги Стюарт ороли қирғоқларига қарийб 150 та қора дельфин отилиб чиқди, деб ёзади «ТАСС».
Табиатни муҳофаза қилиш департаменти ходимлари воқеадан хабар топганида, жониворларнинг ярмига яқини нобуд бўлиб улгурган эди. Қолган дельфинларни ҳам заҳарлаб ўлдиришга тўғри келди.
«Бу доим жуда оғир қарор бўлиб келган, аммо тирик қолган дельфинлар океанга қайтиб кета олиши эҳтимоли жуда кам: улар соҳилга отилиб чиққан жой жуда олис, биз эса ҳодисадан жуда кеч хабар топдик», — деди департамент ходими.
Табиатни муҳофаза қилиш департаменти маълумотларига кўра, мамлакатда ҳар йили йирик денгиз ҳайвонларининг оммавий нобуд бўлиши билан боғлиқ қарийб 85 та ҳолат қайд этилади.
Изоҳ (0)