20 ноябрь, сешанба санасида футбол бўйича Ўзбекистон терма жамоаси ФИФА кунлари доирасида Австралияда Жанубий Корея терма жамоасига қарши майдонга тушиб, йирик ҳисобда мағлубиятга учради.
Фото: ЎФА матбуот хизмати
Биринчи бўлимда Жанубий Корея терма жамоаси 9 ҳамда 24-дақиқада 2 та гол уришга эришди. Иккинчи бўлимнинг 69 ва 81-дақиқаларига келиб кореяликлар яна 2 та гол уриб, учрашувни 4:0 ҳисобида ўз фойдасига ҳал қилди.
Шу тариқа Ўзбекистон терма жамоаси Эктор Купер бошчилигидаги 6-ўйинни йирик мағлубият билан якунлади.
Эслатиб ўтамиз, бир неча кун олдин Ўзбекистон терма жамоаси Австралиядаги йиғин доирасида Ливанга қарши баҳс олиб бориб 0:0 ҳисобидаги дуранг натижасини қайд этганди.
Ўртоқлик учрашуви
20 ноябрь, сешанба
Жанубий Корея—Ўзбекистон 4:0
Голлар: 1:0 — 9 Нам Таэ Хи, 2:0 — 24 Ҳванг Уи Жо, 3:0 — 69 Мун Сон Мин, 4:0 — 81 Сук Ҳёнжун.
Ўзбекистон: 1.Игнатий Нестеров - 2.Акмал Шораҳмедов, 20.Ислом Тўхтахўжаев, 5.Анзур Исмоилов, 13.Олег Зотеев - 7.Одилжон Ҳамробеков, 16.Отабек Шукуров - 17.Достон Ҳамдамов (6.Ҳусниддин Ғофуров, 74), 22.Жавоҳир Сидиқов (8.Икром Алибоев, 64), 15.Азиз Турғунбоев (10.Марат Бикмаев, 46) - 14.Элдор Шомуродов.
Жанубий Корея: Жо Хён Ву, Ким Ёнг Вун (Квон Кюнг Вун, 63), Жунг Сонг Ҳюн (Парк Жи Су, 82), Ли Ёнг, Парк Жу Ҳо (Ҳонг Чул, 75), Ҳванг Ин Бом, Жу Се Жонг, Нам Таэ Хи (Мун Сон Мин, 51), Ли Чунг Ёнг (Ли Жин Хюн, 75), На Санг Хо, Ҳванг Уи Жо (Сук Ҳёнжун, 69)
