Тошкентда қиличбозликнинг сабля йўналиши бўйича ўсмир қизлар ўртасида Жаҳон кубоги баҳсларида Ўзбекистон терма жамоаси қиличбозлари жамоавий баҳсларда кумуш медалга эга чиқди. Бу ҳақда МОҚ матбуот хизмати хабар берди.
Мусобақанинг жамоавий йўналишида иштирок этган Ўзбекистон термаси қиличбозлари тарихда илк маротаба Жаҳон кубогида шоҳсупага кўтарилди. Улар мусобақа давомида Молдова ва Германия терма жамоаси вакилларини мағлуб этди. Финал босқичида эса россиялик рақибларга мағлуб бўлиб, кумуш медаль билан кифойланишди. Баҳсларда терма жамоа шарафини Зайнаб Дайибекова, Севинч Исмоилова, Шахноза Тоғаймуродова ва Айсулу Уснатдиновалар ҳимоя қилди.
Яккалик баҳсларида бош мукофотга болгариялик Ёана Илиева эга чиқди. Иккинчи ва учинчи ўринлар мос равишда россиялик спортчилар Валена Кобзева ва Алина Михайловага насиб қилди.
Мазкур натижадан сўнг ўзбекистонлик қизлар жаҳон рейтингида 12-ўринга кўтариллиб олди. Осиё қитъасида эса кучли учликка кирилди.
Изоҳ (0)