МИБ ходимига бириктирилган 1 хонали квартирани 3 хоналисига алмаштириш учун 3 миллион сўм пора сўраган АТ «Асакабанк» Хоразм филиали кредит бўлими мутахассиси қўлга олинди. Бу ҳақда Бош прокуратура ҳузуридаги Иқтисодий жиноятларга қарши курашиш Департаментининг Хоразм вилоят бошқармаси матбуот хизмати «Дарё»га маълум қилди.
Бу Ўзбекистон Республикаси Бош прокуратура ҳузуридаги Иқтисодий жиноятларга қарши курашиш Департаментининг Хоразм вилоят бошқармаси, прокуратура ва МИБ ходимлари томонидан ҳамкорликда ўтказилган тадбирда аниқланди.
АТ «Асакабанк» Хоразм филиали кредит бўлими мутахассиси, бевосита кўп қаватли уйлардаги квартираларни бириктириш бўйича Урганч шаҳар ҳудудий комиссия аъзоси бўлган Б.Ж., комиссия аъзолари — шаҳар ҳокимлиги Умумий бўлим мудири У.Р. ва Ер тузиш ва кўчмас мулк кадастри давлат корхонаси шаҳар филиали мутахассиси V.К. билан олдиндан тил бириктириб, ҳокимликдаги танишлари орқали уйга муҳтож фуқаро сифатида МИБ Урганч туман бўлими давлат инспектори Х.О.га арзон кўп қаватли уйдан бириктирилган 1 хонали квартирани 3 хоналисига алмаштириб бермоқчи бўлган ва бунинг учун 3 миллион сўмни фирибгарлик йўли билан олаётган вақтида ашёвий далиллар билан ушланган.
Изоҳ (0)