Ўзбекистонда дастлабки блокчейн тадбиқ этилди

Ўзбекистонда блокчейннинг дастлабки пилот лойиҳаси тадбиқ қилинди. Бу ҳақда Spot Лойиҳа бошқаруви миллий агентлиги матбуот хизматига таяниб хабар берди.

Октябрь ойининг бошида «Рақамли ишонч» рақамли иқтисодиётни ривожлантиришни қўллаб-қувватлаш жамғармаси ва Россиянинг Blockchain Industrial Alliance компанияси ҳамкорлик меморандумини имзолади ва 12 ноябрь куни Ўзбекистондаги блокчейннинг биринчи пилотли тадбиқ этилиши амалга оширилди.

Хусусан, блокчейн «Дори воситалари, тиббий асбоб-анжомлар ва тиббий жиҳозларни экспертизадан ўтказиш ва стандартлаштириш давлат маркази» Давлат унитар корхонаси (ДУК) учун автоматлаштирилган рўйхатга олиш тизимига киритилди. Шундай қилиб, ушбу объект ҳар қандай маълумотлар манипуляциясидан ҳимояланган бўлади.

Барча маълумотлар йиғилиб, доимо такомиллаштирилган маълумотлар базасини шакллантиради. Блокни ушбу маълумотлар базасидан йўқ қилиш ёки алмаштириш мумкин эмас, у чексиздир — битимларнинг чексиз сони қайд этилиши мумкин. Бу рақамли ишончга асосланган технологияларнинг асосий хусусиятларидан биридир.

«Биз энг оддий нарса билан бошладик — блокчейнни дори маълумотларига киритиш. Блокчейн ушбу маълумотлар базасидаги барча ҳаракатларини ошкора қилади, шу билан бирга фармацевтика маҳсулотларини давлат сифатини назорат қилиш тизимига бўлган ишонч даражасини оширади», — дейди «Рақамли ишонч» рақамли иқтисодиётни ривожлантиришни қўллаб-қувватлаш жамғармасининг технологиялар бўйича инвестицион директори Бобир Оқилхонов.

ДУКнинг асосий саҳифасида ишда (бемор ва фуқароларни сохта фармацевтика маҳсулотларидан ҳимоя қилиш ва давлат стандартларига мувофиқ сифатини кафолатлайдиган тиббий маҳсулотни қабул қилиш сертификатининг рақамли эквиваленти) тиббий маҳсулотнинг электрон гувоҳномаси ишлатилганлиги кўрсатилади.

Рўйхатга олиш бир нечта дори воситаларига эга. Келажакда етказиб берувчилар, ишлаб чиқарилган саналар, ишлаб чиқарувчилардан беморга дори-дармонлар ҳаракати тўғрисида маълумот берилади.

«Блоcкчейн тиббиётда янги имкониятлар очади. Аввало, бу муҳим маълумотларнинг ягона ишончли сақлашга интеграциялашувидир. Маълумотлар барча муассасалар, шифокорлар, провайдерлар, беморлар учун мавжуд», — дейди Blockchain Industrial Alliance бош ижрочи директори Александр Доронин.

Шу билан бирга, реестрлар нашр этилиб, блокчейн маълумотларнинг тўғрилигини тасдиқлашга, етказиб берувчилардан беморга маҳсулотларнинг бирликлари ҳаракатининг хронологик ҳолатини кузатиш имконини беради.