Ўзбекистон сайтлари рейтингини кўрсатиб борувчи янги сайт — «Metrika.uz» ишга тушди. Бу ҳақда лойиҳа раҳбари Бобур Нурмуҳамедов Spot нашрига маълум қилди.
Maркетолог сифатида иш олиб борган Нурмуҳамедов онлайндаги реклама майдончаларига доир ахборот етишмовчилиги муаммоси билан мунтазам тўқнаш келган. У ҳар сафар ахборот сўраб ресурснинг ўзига мурожаат қилишга ва ахборот тайёр бўлишини кутишга мажбур бўлган.
Бошқалар ҳам шундай муаммога дуч келаётган бўлса керак, деган тахмин билан зарур маълумотларни тақдим этувчи ресурсни яратишга қарор қилган. Кўпдан бери мавжуд www.uz рейтинги эса маълумотларни ҳар доим ҳам аниқ кўрсатмайди.
«Лойиҳа устида икки киши иш олиб борди. Ҳаммаси Google Analytics’га уланган маълумотлар асосида ишлайди, ҳамкорларимиз статистик маълумотларни олиш учун имконият берган. Биз бу маълумотларни шакллантиришда ёки уларни қайта ишлашда умуман иштирок этмаймиз», — деди Нурмуҳамедов.
Унинг қайд этишича, рейтингга Ўзбекистоннинг бошқа сайтларини қўшиш, бозорга Узнет бўйича трендлар, сайтлар бўйича статистик маълумотларни тақдим этиб бориш режалари бор. Сайтлардан ташқари Telegram каналлар ва ботлар билан, шунингдек, мобил дастурлар билан ҳам ишлаш кўзда тутилган.
Изоҳ (0)