Россия Федерал хавфсизлик хизмати Maxачқалъа мэри вазифасини бажарувчи Абусупян Гасановни қўлга олди, деб ёзади Meduza. Гасанов шаҳар бюджетидан 40 миллион рубль маблағни ўмарганликда гумон қилинмоқда.
Унга нисбатан хизмат ваколатларини суиистеъмол қилиш ҳақидаги модда бўйича жиноят иши қўзғатилди. Гасанов йўл-қурилиш ишларини бажариш учун аукцион ўтказишда ваколат доирасидан четга чиққанликда гумонланмоқда.
Абусупян Гасанов 2018 йил январида Maxачқалъа мэри вазифасини вақтинчалик бажарувчи этиб тайинланган эди. Ундан аввалги мэр — Муса Мусаев ер майдонларини ажратишда хизмат ваколатларини суиистеъмол қилганликда айбланиб қўлга олинган. 15 октябрь куни суд Мусаевни тўрт йиллик колонияга ҳукм қилди.
Изоҳ (0)