Халқ банки малакали мутахассислар танловини эълон қилди

Халқ банки веб ва мобил дастурларга хизмат кўрсатиш бўйича IT ходимлар учун танлов эълон қилди. Бу ҳақда ЎзА хабар бермоқда.

Ходимларнинг асосий вазифалари қуйидагилардан иборат:

Банкнинг жисмоний ва корпоратив мижозлари учун веб ва мобил иловаларга хизмат кўрсатади;

iOS ва Android платформаларидаги дастурларни ишлаб чиқиш, тестдан ўтказиш ва мавжуд иловаларни оптималлаштириш бўйича жамоавий жараёнларда иштирок этади;

Ахборот технологиялари бошқармаси вазифалари ва функцияларига мос равишда банкнинг таркибий тузилмалари билан ҳамкорлик қилади;

Банк раҳбариятининг ахборот технологиялари соҳасига кирувчи топшириқларини бажаради;

Ахборот технологиялари ва маълумотлар бўйича электрон амалиётларни режалаштириш, ташкиллаштириш, назорат қилиш ва баҳолаш;

Ахборот технологиялари ходимларини ишга ёллаш, ўқитиш ва коучинги, ишидан кутилаётган натижалар ва самарадорлигини баҳолаш орқали бошқариш;

Тизим аудитини ўтказиш ва натижаларини баҳолаш;

Банкнинг ахборот технологияларга оид йиллик ҳисоботини тайёрлаш ва харажатлар самарадорлигини таъминлаш.

Маълумоти ва тажрибаси:

Тегишли иш соҳасида бакалавр даражаси талаб қилинади, илмий даража маъқулланади;

Ахборот технологиялари соҳасида иш тажрибаси, ахборот технологиялари менежери сифатида янги техник маҳсулотларни ишлаб чиқиш ва жорий этиш соҳасида иш тажрибаси;

Ахборот технологиялари ва воситалари бўйича аъло билимлар ва тажрибага эга эканлиги.

Маъқулланадиган кўникмалар:

Тегишли тузилма доирасида ҳар қандай дастурлаш тилини билиш;

Банк тизимининг концепциялари, принциплари, барча техник ва технологик ресурслар ҳақида комплекс билимга эга эканлиги;

Банк бизнеси ва уни қўллаб-қувватловчи жараёнлар ҳақида кенг тушунчага эга эканлиги;

Хорижий тилларни (рус, инглиз ва бошқа) билиш маъқулланади.

Иш ҳақи келишув асосида.