Ўзбекистон Профессионал футбол лигаси мамлакатдаги машҳур футбол сайтларидан бири Championat.asia ходимларининг аккредацияларини бекор қилди. Бу ҳақда ташкилот расмий сайтида хабар берилди.
Қайд этилишича, Профессионал футбол лигаси Ўзбекистон миллий чемпионати ва кубок учрашувларини ёритиб борадиган барча ОАВ ишини хурмат қилгани боисдан Championat.asia сайтининг давомий мақола ва турли ижтимоий тармоқлардаги ноўрин чиқишларига муносабат билдирмай келган. Лекин нашр вакиллари чегарадан чиқишда давом этаверганликлари сабаб ЎзПФЛ мазкур сайт ходимларининг Ўзбекистон чемпионати ва кубогини бевосита воқеа жойидан ёритиб бориш имконини берадиган аккредитацияларини бекор қилишга қарор қилди, дейилади ПФЛ баёнотида.
Ташкилот хабарида нашр ходимлари аккредациялари аниқ нима сабабдан бекор қилинганига аниқлик киритилмаган.
Маълумот учун, Championat.asia нашри Суперлига ташкил этилганидан бери ПФЛ билан ҳамкорликда ойнинг энг яхшиларини аниқлаб келаётганди.
Изоҳ (0)