Ўзбекистон Олий Мажлиси Сенати раиси Ниғматилла Йўлдошев Навоий вилоятида аҳолининг яшаш тарзи ва шароитларини ўрганиш бўйича олиб борилган ишларни кўриб чиқди. Бу ҳақда Turon 24 хабар берди.
Сенат раиси жорий йилнинг 9 октябрь куни вилоятнинг Навбаҳор туманига ишчи гуруҳ билан келди. Халқ депутатлари туман кенгашининг сессияси ташкил этилиб, унда сенаторлар, халқ депутатлари вилоят кенгаши, маҳаллий кенгашлар депутатлари, вазирлик ва идораларнинг вакиллари, маҳалла фуқаролар йиғинлари раислари иштирок этди.
Сессияда Республика ишчи гуруҳи томонидан ҳудудларда аҳоли яшаш тарзи ва шароитларини ўрганиш бўйича олиб борилган ишлар кўриб чиқилиб, истиқболдаги вазифалар белгилаб олинди.
Нурота туманида ҳам Сенат раиси иштирокида сессия ўтказилди. Ниғматилла Йўлдошев 10 октябрь куни Хатирчи ва Кармана туманида бўлиб ўтадиган сессияда иштирок этди.