UFC’нинг россиялик чемпиони Ҳабиб Нурмагомедовнинг отаси Абдулманноп Нурмагомедов ўғлининг Конор Макгрегорга қарши жангдан кейинги жанжалига муносабат билдирди. Бу ҳақда «MK.ru» хабар берди.
«Мен UFC’никидан ҳам оғирроқ санкцияларимни Ҳабибга нисбатан қўллашга мажбурман. Тартиб ва интизом биринчи ўринда бўлиши керак»,—дейди Ҳабибнинг отаси.
Маълумот учун, кеча жанг тугагач Ҳабиб Нурмагомедов рақибининг жамоаси билан октагон ташқарисида жанжаллашиб кетди. Бу вақтда эса Ҳабибнинг жамоадошлари Конорга ҳужум қилди. Жанжал авж олиб кетмаслиги учун ташкилотчилар иккала спортчини ҳам трибуна остига олиб ўтиб кетишди.
Спортчиларни олиб чиқиб кетишда мазкур жанг оқшомида иштирок этмаган спортчилар ҳам ёрдам кўрсатишди. UFC раҳбари Дэйна Уайт эса Макргрегор жамоасини огоҳлантирди. Унинг қарори билан спортчилар иштирокисиз ва камарни тантанали топширишсиз ғолиб номи эълон қилинди. Шунингдек, спортчилар октагонда интервью ҳам бера олмади.
Ҳабиб Конор билан жанг учун 2 миллион доллар миқдорида гонорар олиши белгиланганди. Аммо жангдан юзага келган жанжал текшируви тугагунча унга гонорар берилмайдиган бўлди
Изоҳ (0)