Жорий йилда Японияда ҳаддан ташқари баланд ҳаво ҳарорати оқибатида юзага келган иссиқлик уришидан рекорд сондаги одамлар жабрланди, деб ёзади «Вести.ru».
Бутун мамлакат бўйлаб майдан сентябргача бўлган даврда бундай симптомлар билан 95 мингдан зиёд одам касалхоналарга ётқизилган. Бу шундай статистика юритилиб келаётган давр ичидаги энг баланд кўрсаткич эканлиги айтилмоқда.
Беш ой ичида (майдан сентябргача) жазирама таъсирида 160 киши ҳалок бўлган. Уларнинг ярмидан кўпи — 65 ёшдан катта одамлар. Иссиқ ҳаво қурбонлари орасида ёшлар, шу жумладан, мактаб ўқувчилари ҳам бўлиб, улар кўчада жисмоний тарбия машқлари билан шуғулланиш вақтида жабрланган.
Ёзда Япониянинг қарийб бутун ҳудуди бўйлаб мисли кўрилмаган жазирама кузатилди — термометр миллари Цельсий бўйича 41 даражагача етди.
Изоҳ (0)