ИШИД террорчилари Марказий Осиёда ички сиёсий вазиятни беқарорлаштиришга тайёргарлик кўрмоқда. Бу ҳақда Россия президентининг Афғонистон бўйича махсус вакили Замир Кабулов маълум қилди, дея хабар беради Sputnik.
«Афғонистонда ИШИДнинг асосий жанговар қанотини мазкур минтақа вакиллари ташкил этади. Улар Афғонистонда хорижий қўшинларга қарши курашиш учун эмас, Марказий Осиёда ички сиёсий вазиятни беқарорлаштириш учун бу ерга юборилмоқда», — дея таъкидлади Кабулов.
МДҲ аксилтеррор маркази раҳбари Андрей Новиков олдинроқ ИШИД Марказий Осиё ҳудудида ўзининг таянч пунктини тузиша ва «ухлаб ётган ячейкалар»ни фаоллаштиришга ҳаракат қилаётганини билдирганди.
Россия Хавфсизлик кенгаши котиби Николай Патрушев Теҳронда ўтказилган Афғонистонда вазиятни йўлга солиш бўйича маслаҳатлашувларда мамлакатда Сурия сценарийси қайтарилиши мумкинлиги ҳақида огоҳлантирганди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)