Ортда қолган дам олиш кунларида футбол бўйича Испания Ла Лигасининг 4-тури доирасида 9 та беллашув бўлиб ўтди.
Жумладан, «Атлетико Мадрид» жамоаси ўз майдонида «Эйбар»ни қабул қилиб, 1:1 ҳисобидаги дуранг натижасини қайд этди.
«Барселона» эса «Реал Сосьедад» меҳмони бўлиб, 2:1 ҳисобидаги ғалабага эришди. Каталанияликларнинг голларига Луис Суарес ҳамда Усмон Дембеле муаллифлик қилган бўлса, мезбонлардан Элустондо ўз номини таблога ёздириб қўйди.
«Реал Мадрид» эса «Атлетик Б» меҳмони бўлиб, 1:1 ҳисобида дуранг қайд этди. Голларга мезбонлардан Икер Муниаин, «Қироллик клуби»дан Иско муаллифклик қилди. Шу тариқа «Реал» мавсумдаги илк йўқотишга дуч келди.
«Валенсия» «Бетис»ни қабул қилиб, 0:0 ҳисобидаги дуранг қайд этди. «Севилья» эса ўз уйида «Хетафе»га 0:2 ҳисобида имкониятни бой берди.
4-турдан сўнг «Барселона» 12 очко билан мусобақа жадвалида пешқадам бўлиб турибди. Иккинчи ўринда эса 10 очко билан «Реал Мадрид» бормоқда. 3-поғонадан бугун 4-тур учрашувини ўтказадиган «Сельта» жой олган. Виголиклар ҳисобида ҳозирча 7 очко мавжуд.
Ла Лига
4-тур беллашувлари
14 сентябрь, жума
«Уэска»—«Райо Вальекано» 0:1
Гол: 0:1—29 Имбула.
15 сентябрь, шанба
«Атлетико Мадрид»—«Эйбар» 1:1
Гол: 0:1—87 Энрик, 1:1—90+3 Гарсес.
«Реал Сосьедад»—«Барселона» 1:2
Голлар: 1:0—12 Элустондо, 1:1— 63 Суарес, 1:2—66 Дембеле.
«Валенсия»—«Бетис» 0:0
«Атлетик Б»—«Реал Мадрид» 1:1
Голлар: 1:0 – 32 Муниаин, 1:1 – 63 Иско.
16 сентябрь, якшанба
«Леганес»—«Вильярреал» 0:1
Гол: 0:1 – 65 Бакка.
«Эспаньол»—«Леванте» 1:0
Гол: 1:0 – 52 Гарсия.
«Вальядолид»—«Алавес» 0:1
Гол: 0:1 – 90 Ибаи Гомес.
«Севилья»—«Хетафе» 0:2
Гол: 0:1 – 3 Анхел, 0:2 – 38 Анхел.
17 сентябрь, душанба
«Жирона»—«Сельта» 00:00
Изоҳ (0)